USHETU YAPIGA MARUFUKU UVUNAJI HOLELA WA MITI KWENYE MAENEO YOTE YA TAASISI ZA UMMA.

Kama Bado Hujajiunga Nasi, Unaweza Kujiunga Hapa Nikutumie Habari Moja Kwa Moja


Na Salvatory Ntandu 
USHETU 

Halmashauri ya Ushetu Wilayani Kahama Mkoani Shinyanga imepiga marufuku uvunaji holela wa Miti kwenye Maeneo yote ya taasisi za umma zikiwemo shule, Zahanati na Vituo vya afya bila kibali kutoka kwa mamlaka husika.

Agizo hilo limetolewa jana na Mkurugenzi Mtendaji wa Halmashauri hiyo, MICHAEL MATOMORA kwenye mkutano wa hadhara wakati akizungumza na wakazi wa kijiji cha Ifunde baada ya kubaini kuwepo kwa uvunaji holela wa miti katika shule ya msingi Ifunde.

Amesema serikali kwa sasa inaendesha kampeni ya Upandaji miti nchi nzima hivyo ni kosa kwa Mtumishi wa Umma au mwananchi kukata miti iliyopandwa kwenye maeneo ya Umma bila kufuata taratibu za kisheria.

Mbali na hilo, MATOMORA amewataka wananchi katika Halmashauri hiyo kujenga vyoo bora katika nyumba zao ili kuepuka magonjwa ya Mlipuko.

Kupata Habari Na Matukio Ya Kila Siku Bonyeza Like

TOA MAONI YAKO HAPA CHINI